ក្រោមការគ្រប់គ្រងរបស់ក្រុមហ៊ុន Plaza Premium Lounge សេវានេះគឺដើម្បីផ្តល់បទពិសោធន៍ពិសេសរបស់អាកាសយានដ្ឋានជូនអ្នកដំណើរទាំងអស់។ ក្រុមទទួលស្វាគមន៍ដ៏ពោរពេញដោយមេត្រីភាពរង់ចាំបម្រើសេវាជានិច្ចដើម្បីធានាយ៉ាងណាឱ្យការធ្វើដំណើររបស់លោកអ្នកគ្មានភាពហត់នឿយ និងប្រព្រឹត្តទៅបានយ៉ាងរលូននៅអាកាសយានដ្ឋាន មិនថាពេលចេញដំណើរ ពេលមកដល់ ឬពេលឆ្លងកាត់នោះទេ។ សូមទុកឱ្យយើងខ្ញុំជួយលោកអ្នកពេលសម្រាកនៅក្នុងបន្ទប់រង់ចាំ ការរត់ការយកអីវ៉ាន់ចេញ និងកម្មវិធីទស្សនាផ្សេងៗទៀត។ សម្រាប់អ្នកដំណើរមកដល់ មន្ត្រីសេវាកម្មគយនឹងចាំទទួលភ្ញៀវនៅមាត់ទ្វារ ដោយមានលើកស្លាកសញ្ញាសរសេរឈ្មោះពីលើផង។ ពេលបានជួបហើយ មន្ត្រីនោះនឹងអមដំណើរភ្ញៀវទៅឆ្លងកាត់ការត្រួតពិនិត្យអន្តោប្រវេសន៍ យកអីវ៉ាន់ចេញ និងធ្វើការត្រួតពិនិត្យគយ មុននឹងជូនដំណើរភ្ញៀវទៅជួបភាគីចាំទទួល ឬទៅកាន់រថយន្តលីម៉ូហ្ស៊ីន ឬតាក់ស៊ីដែលកំពុងរង់ចាំ។ សម្រាប់ភ្ញៀវចេញដំណើរ មន្ត្រីសេវាកម្មគយរបស់យើងនឹងទៅជួបភ្ញៀវនៅក្នុងស្ថានីយចេញដំណើរ ដោយកាន់ស្លាកមានឈ្មោះសរសេរពីលើផង។ ពេលបានជួបគ្នាហើយ ភ្នាក់ងាររបស់យើងនឹងជូនភ្ញៀវទៅចុះឈ្មោះនៅបញ្ជរក្រុមហ៊ុនអាកាសចរណ៍ បន្ទាប់មក ទៅធ្វើការត្រួតពិនិត្យអន្តោប្រវេសន៍ រួចហើយ យើងនឹងជូនដំណើរភ្ញៀវទៅកាន់ច្រកទ្វារឡើងជិះរយន្តហោះ ឬទៅបន្ទប់ Plaza Premium Lounge ដើម្បីរង់ចាំដល់ម៉ោងឡើងយន្តហោះ។
| សេវាកម្ម | តម្លៃសេវា (ដុល្លារអាមេរិក) |
|---|---|
| ១ ទៅ ៤នាក់ | តម្លៃ៤០ដុល្លារក្នុងមួយសេវា ក្នុង១នាក់ |
| ៥ ទៅ ១០នាក់ | តម្លៃ៣១ដុល្លារក្នុងមួយសេវា ក្នុង១នាក់ |
អត្រាតម្លៃទាំងអស់មានបញ្ចូលអត្រាពន្ធជាធរមានក្នុងស្រុករួចជាស្រេច។
សេវាទាំងអស់រង់ចាំបម្រើភ្ញៀវដើរចូលគ្រប់ប្រភេទ។
សូមអ៊ីម៉ែលៈ cambodia@plaza-network.com សម្រាប់ការសាកសួរនិងការកក់បន្ថែម។
ទីតាំង: Plaza Premium Lounge
Mezzanine Floor, ការចេញដំណើរអន្តរជាតិ
ព្រលានយន្តហោះអន្តរជាតិភ្នំពេញ
ម៉ោងធ្វើការ: 05:00AM – 01:00AM រាល់ថ្ងៃ
ទំនាក់ទំនង: +855 23 862 820
អ៊ីម៉ែល: cambodia@plaza-network.com
គេហទំព័រ: www.plazapremiumlounge.com