សេវាកម្ម

ក្នុងករណី​បាត់ ឬខូចខាត​អីវ៉ាន់ សូម​ទាក់ទង​ផ្នែក​សេវា​បាត់​អីវ៉ាន់​និង​រក​ឃើញ​វិញ នៅក្នុង​សាល​ទទួល​អីវ៉ាន់​ទម្លាក់​ពី​យន្តហោះ។
នៅ​ថ្ងៃបន្ទាប់​ពី​ការ​មកដល់ បើ​លោកអ្នក​ត្រូវ​ទាក់ទង​ផ្នែក​សេវា​បាត់​អីវ៉ាន់​និង​រក​ឃើញ​វិញ សូម​ប្រើ​លេខ​នៅ​ខាងក្រោម ឬទៅ​បញ្ជរ​ព័ត៌មាន​អាកាសយាន​ដ្ឋាន​របស់​យើង​នៅក្នុង​ស្ថានីយ​អ្នកដំណើរ​មកដល់។ ដើម្បី​ទាក់ទង​ផ្នែក​សេវា​បាត់​អីវ៉ាន់​និង​រក​ឃើញ​វិញ៖
អ៊ីមែល៖

• Email: pnhllxh@cambodia-airports.aero
• Phone: +855 (0)92 666 036

អាកាសយានដ្ឋានរបស់យើងសូមផ្តល់ជូនសេវា Wi-Fi ប្រើគ្មានកំណត់ដោយឥតគិតថ្លៃនៅក្នុងស្ថានីយអ្នកដំណើរមកដល់ និងស្ថានីយចេញដំណើរ។ ដើម្បីភ្ជាប់ សូម៖
១. បើក Wi-Fi ក្នុងទូរស័ព្ទ កុំព្យូទ័រ ឬអាយផែត របស់លោកអ្នក
២. ជ្រើសយកបណ្តាញ "VINCI Airports wifi" ហើយបើក Internet browser របស់លោកអ្នក
៣. បញ្ចូលអាសយដ្ឋានអ៊ីមែល និងឈ្មោះប្រទេសរបស់លោកអ្នក
បន្ទាប់ពីយល់ព្រមតាមខ្លឹមសារនិងលក្ខខណ្ឌរួចហើយ លោកអ្នកនឹងភ្ជាប់អ៊ិនធឺណិតបានដើម្បីបើកអ៊ីមែល ឬចូលទៅវេបសាយដែលលោកអ្នកត្រូវការតាមចិត្ត។

បញ្ជរប្តូរប្រាក់របស់យើងទទួលយករូបិយវត្ថុគ្រប់ប្រភេទ។ បើចង់ដឹងអំពីអត្រាប្តូរប្រាក់ សូមចូលមើលវេបសាយរបស់ធនាគារជាតិ នៃ កម្ពុជា។

ដៃគូប្តូរប្រាក់របស់យើងមានបញ្ជរប្តូរប្រាក់បីកន្លែងសម្រាប់អតិថិជនដូររូបិយប័ណ្ណ ជាប្រាក់រៀលឬជាប្រាក់ដុល្លារអាមេរិក មុននឹងឡើងយន្តហោះ តាមអត្រាប្តូរប្រាក់មានភាពប្រកួតប្រជែងដែលមានដាក់បង្ហាញនៅតាមបញ្ជរ។ សូមរកមើលបញ្ជរទាំងនោះ នៅពេលចុះឈ្មោះ (ត្រង់ទីតាំងសេវាកម្មក្រុមហ៊ុនអាកាសចរណ៍ ឬនៅក្នុងសាលរង់ចាំឡើងយន្តហោះ ចំមុខច្រកទ្វារលេខ៩)។ ពេលមកដល់ លោកអ្នកនឹងឃើញបញ្ជរប្តូរប្រាក់នៅក្បែរការិយាល័យបាត់អីវ៉ាន់និងរកឃើញវិញ។ 

ស្ថានីយមកដល់ (តំបន់ទិដ្ឋាការ)

ស្ថានីយមកដល់ (កន្លែងសាធារណៈ)

ពេលមកដល់៖ 
កញ្ចប់អីវ៉ាន់ធំពេក (មានរទេះរុញកូនក្មេង ឧបករណ៍វាយកូនគោល) នឹងត្រូវបានបញ្ជូនចេញតាមក្រវាត់បញ្ជូនមួយដោយឡែក។ សូមធ្វើតាមការចង្អុលបង្ហាញរបស់សញ្ញាសម្រាប់អីវ៉ាន់ប្រភេទនេះ។

សូម​អញ្ជើញ​ទៅកាន់​បញ្ជរ​ព័ត៌មាន​នៅ​អាកាសយាន​ដ្ឋាន​របស់​យើងដើម្បី​សួរ​ព័ត៌មាន​អំពី​ហេ​ដ្ឋ​រចនាសម្ព័ន្ធ​សេវា​របស់​អាកាសយាន​ដ្ឋាន ឬការ​ស្នាក់នៅ​របស់​លោកអ្នក​នៅក្នុង​ប្រទេស​កម្ពុជា​

​ក្រោម​ការគ្រប់គ្រង​របស់​ក្រុមហ៊ុន Plaza Premium Lounge សេវា​នេះ​គឺ​ដើម្បី​ផ្តល់​បទពិសោធន៍​ពិសេស​របស់​អាកាសយាន​ដ្ឋាន​ជូន​អ្នកដំណើរ​ទាំងអស់។ ក្រុម​ទទួលស្វាគមន៍​ដ៏​ពោរពេញ​ដោយ​មេត្រីភាព​រង់ចាំ​បម្រើសេវា​ជានិច្ច​ដើម្បី​ធានា​យ៉ាងណា​ឱ្យ​ការ​ធ្វើដំណើរ​របស់​លោកអ្នក​គ្មាន​ភាព​ហត់នឿយ និង​ប្រព្រឹត្តទៅ​បាន​យ៉ាង​រលូន​នៅ​អាកាសយាន​ដ្ឋាន មិនថា​ពេល​ចេញដំណើរ ពេល​មកដល់ ឬពេល​ឆ្លងកាត់​នោះ​ទេ។ សូម​ទុក​ឱ្យ​យើងខ្ញុំ​ជួយ​លោកអ្នក​ពេលសម្រាក​នៅក្នុង​បន្ទប់​រង់ចាំ ការ​រត់ការ​យក​អីវ៉ាន់​ចេញ និង​កម្មវិធី​ទស្សនា​ផ្សេង​ៗទៀត។ សម្រាប់​អ្នកដំណើរ​មកដល់ មន្ត្រី​សេវាកម្ម​គយ​នឹង​ចាំ​ទទួលភ្ញៀវ​នៅ​មាត់ទ្វារ ដោយមាន​លើកស្លា​កសញ្ញា​សរសេរ​ឈ្មោះ​ពីលើ​ផង។ ពេល​បាន​ជួប​ហើយ មន្ត្រី​នោះ​នឹង​អមដំណើរ​ភ្ញៀវ​ទៅ​ឆ្លងកាត់​ការ​ត្រួតពិនិត្យ​អន្តោប្រវេសន៍ យក​អីវ៉ាន់​ចេញ និង​ធ្វើការ​ត្រួតពិនិត្យ​គយ មុននឹង​ជូនដំណើរ​ភ្ញៀវ​ទៅ​ជួប​ភាគី​ចាំ​ទទួល ឬទៅ​កាន់​រថយន្ត​លី​ម៉ូហ្ស៊ីន ឬតាក់ស៊ី​ដែល​កំពុង​រង់ចាំ។ សម្រាប់​ភ្ញៀវ​ចេញដំណើរ មន្ត្រី​សេវាកម្ម​គយ​របស់​យើង​នឹង​ទៅ​ជួប​ភ្ញៀវ​នៅក្នុង​ស្ថានីយ​ចេញដំណើរ ដោយ​កាន់​ស្លាក​មានឈ្មោះ​សរសេរ​ពីលើ​ផង។ ពេល​បាន​ជួបគ្នា​ហើយ ភ្នាក់ងារ​របស់​យើង​នឹង​ជូន​ភ្ញៀវ​ទៅចុះ​ឈ្មោះ​នៅ​បញ្ជរ​ក្រុមហ៊ុន​អាកាសចរណ៍ បន្ទាប់មក ទៅ​ធ្វើការ​ត្រួតពិនិត្យ​អន្តោប្រវេសន៍ រួចហើយ យើង​នឹង​ជូនដំណើរ​ភ្ញៀវ​ទៅកាន់​ច្រក​ទ្វារ​ឡើង​ជិះ​រយ​ន្ត​ហោះ ឬទៅ​បន្ទប់ Plaza Premium Lounge ដើម្បី​រង់ចាំ​ដល់ម៉ោង​ឡើង​យន្តហោះ។