សេវាកម្ម

យើងខ្ញុំរីករាយក្នុងការជួយលោកអ្នកចំពោះរាល់ចម្ងល់អំពីសុខូបត្ថម្ភវត្ថុនៅអាកាសយានដ្ឋានយើងខ្ញុំ នៅបញ្ជរព័ត៌មានក្នុងស្ថានីយចុះឈ្មោះ។

ពេលចុះឈ្មោះ
ប្រសិនបើលោកអ្នកមានអីវ៉ាន់ដែលមានទំហំលើសស្តង់ដា លោកអ្នកនឹងត្រូវបានភ្នាក់ងារចុះឈ្មោះណែនាំឱ្យទៅកាន់កន្លែងឆែកឆេរអីវ៉ាន់លើសទំហំ។ សូមកុំភ្លេចសាកសួរក្រុមហ៊ុនអាកាសចរណ៍របស់លោកអ្នកជាមុនសិនអំពីទំហំកញ្ចប់អីវ៉ាន់ដែលអាចដាក់តាមយន្តហោះបាន។

បន្ទប់ភ្ញៀវធុរកិច្ចស្ថិតក្រោមការគ្រប់គ្រងរបស់ផ្នែក Plaza Premium Lounge ដែលជាយីហោមួយមានកិត្តិនាមលើពិភពលោក។ ផ្នែកខាងក្នុងបន្ទប់នេះត្រូវបានតុបតែងដោយអ្នកជំនាញរចនាល្បីមកពីហុងកុង ឈ្មោះ Kinney Chan នៃក្រុមហ៊ុន KCA Associates។ បន្ទប់ប្រណីតនេះផ្តល់សេវាលំដាប់កំពូលដែលក្នុងនោះមានអាហារប៊ូហ្វេច្រើនមុខពេញមួយថ្ងៃ និងភេសជ្ជៈល្បីៗ និងការសម្របសម្រួលធុរកិច្ច និងសេវាម៉ាស្សាថែមទៀតផង។ អ្នកដំណើរដែលមានសិទ្ធិប្រើសេវានេះ (អាស្រ័យតាមក្រុមហ៊ុនអាកាសចរណ៍) ត្រូវ៖

• ជាអ្នកដំណើរជិះកៅអីចំណាត់ថ្នាក់ធុរកិច្ច ឬកៅអីចំណាត់ថ្នាក់លេខ១
• មានកាតសមាជិកក្រុមហ៊ុនអាកាសចរណ៍ប្រភេទមាស និងផ្លាទីន
• មានកាតឥណទាន VIP (ត្រូវផ្ទៀងផ្ទាត់ជាមួយធនាគាររបស់លោកអ្នក)

លោកអ្នកអាចចូលប្រើបន្ទប់នេះក្នុងនាមជាភ្ញៀវមិនបានកក់មុនដែរ ក្នុងអត្រាតម្លៃដូចខាងក្រោមនេះ៖
 

ទីតាំង៖ បន្ទាប់ពីចុះឈ្មោះ នៅស្ថានីយចេញដំណើរអន្តរជាតិ  នៅក្បែរច្រកទ្វារឡើងយន្តហោះលេខ 1 និងលេខ 2
ម៉ោងធ្វើការ៖ 04:15 - 20:00 រាល់ថ្ងៃ

ក្រុមហ៊ុនអាកាសចរណ៍ Bangkok Airways បានដាក់ឱ្យប្រើសេវាបន្ទប់រង់ចាំថ្មីចំនួនពីរ ឈ្មោះថា Boutique Lounge និង Blue Ribbon Lounge នៅអាកាសយានដ្ឋានអន្តរជាតិភ្នំពេញ ដើម្បីផ្តល់ផាសុកភាព និងជួយសម្រួលដល់អ្នកធ្វើដំណើរក្នុងពេលរង់ចាំ ទម្រាំដល់ម៉ោងឡើងយន្តហោះ។ 
អ្នកដំណើរហោះហើរតាមក្រុមហ៊ុននេះរវាងភ្នំពេញ-បាងកក អាចទទួលភាពរីករាយជាមួយបន្ទប់រង់ចាំទាំងនេះ ដែលផ្តល់ជូនអាហារសម្រន់ច្រើនមុខ និងភេសជ្ជៈត្រជាក់ ក្តៅ និងសេវាអ៊ិនធឺណិតតាម Wi-Fi ដោយឥតគិតថ្លៃទៀតផង។
សម្រាប់អ្នកដំណើរជិះកៅអីថ្នាក់ធុរកិច្ច (Blue Ribbon Club) ឬ អ្នកដំណើរកាន់កាតសមាជិក Flyer Bonus Premier Membership ពួកគេអាចទទួលបានសេវាកាន់តែវិសេសវិសាលថែមទៀតនៅ Blue Ribbon Club ដែលក្នុងនោះមានអាហារក្តៅៗ និងបន្ទប់ងូតទឹកផ្ទាល់ខ្លួនផងដែរ។ សម្រាប់ព័ត៌មានបន្ថែម សូមចូលមើលវេបសាយ៖
Bangkok Airways

អាកាសយានដ្ឋានរបស់យើងសូមផ្តល់ជូនសេវា Wi-Fi ប្រើគ្មានកំណត់ដោយឥតគិតថ្លៃនៅក្នុងស្ថានីយអ្នកដំណើរមកដល់ និងស្ថានីយចេញដំណើរ។ ដើម្បីភ្ជាប់ សូម៖
១. បើក Wi-Fi ក្នុងទូរស័ព្ទ កុំព្យូទ័រ ឬអាយផែត របស់លោកអ្នក
២. ជ្រើសយកបណ្តាញ "VINCI Airports wifi" ហើយបើក Internet browser របស់លោកអ្នក
៣. បញ្ចូលអាសយដ្ឋានអ៊ីមែល និងឈ្មោះប្រទេសរបស់លោកអ្នក
បន្ទាប់ពីយល់ព្រមតាមខ្លឹមសារនិងលក្ខខណ្ឌរួចហើយ លោកអ្នកនឹងភ្ជាប់អ៊ិនធឺណិតបានដើម្បីបើកអ៊ីមែល ឬចូលទៅវេបសាយដែលលោកអ្នកត្រូវការតាមចិត្ត។

ក្រុមហ៊ុនអាកាសចរណ៍ដូចមានរាយនាមខាងក្រោម មានផ្តល់សេវាលក់សំបុត្រនៅនឹងអាកាសយានដ្ឋានដែរ (រួមមានការកក់សំបុត្រ ការទិញសំបុត្រ និងការប្តូរជើងហោះហើរ ជាដើម)។ បញ្ជរសេវាទាំងនេះមាននៅកន្លែងចុះឈ្មោះ ខាងក្រោមជណ្តើរយន្តក្នុងស្ថានីយចេញដំណើរ។

មាននៅ​សាល​ចុះឈ្មោះ​អ្នក​ចេញដំណើរ
បញ្ជរ​ប្តូរ​ប្រាក់​របស់​យើង​ទទួលយក​រូបិយវត្ថុ​គ្រប់​ប្រភេទ។ បើ​ចង់​ដឹង​អំពី​អត្រា​ប្តូរ​ប្រាក់ សូម​ចូល​មើល​វេ​បសាយ​របស់ក្រ​សួង​ទេសចរណ៍។
គារជាតិនៃកម្ពុជា.

បន្ទប់ជក់បារីស្ថិតនៅក្នុងសាលរង់ចាំឡើងយន្តហោះ ទល់មុខច្រកទ្វារលេខ៩ និងលេខ១០។

ការិយាល័យប្រៃសណីយ៍ស្ថិតនៅក្នុងស្ថានីយចុះឈ្មោះអ្នកដំណើរ ក្បែរបញ្ជរសេវាក្រុមហ៊ុនអាកាសចរណ៍។

បន្ទប់អធិដ្ឋានស្ថិតនៅក្នុងសាលរង់ចាំឡើងយន្តហោះ ក្បែរច្រកទ្វារលេខ៥។

បើលោកអ្នកត្រូវការជំនួយផ្នែកពេទ្យ សូមទាក់ទងបញ្ជរព័ត៌មានក្នុងសាលចុះឈ្មោះអ្នកចេញដំណើរ។

ការចាកចេញជាអន្តរជាតិ (កន្លែងលើងជិះយន្តហោះ)

ការចាកចេញក្នុងស្រុក (កន្លែងលើងជិះយន្តហោះ)

Check-in Hall

ដើម្បីសម្រួលដល់ការធ្វើដំណើររបស់អ្នកដែលយកក្មេងតូចតាមជាមួយ យើងខ្ញុំបានរៀបចំឱ្យមានទារកដ្ឋានដែលលោកអ្នកអាចទទួលបានទឹកក្តៅនិងឯកជនភាពក្នុងការរៀបចំថែទាំកូនរបស់លោកអ្នក។ ទីតាំងទារកដ្ឋានមាននៅ៖

•    ក្នុងសាលចុះឈ្មោះអ្នកដំណើរ ខាងក្រោយបញ្ជរលក់សំបុត្រ (ក្រោយជណ្តើរយន្តឡើងទៅកាន់ច្រកចេញដំណើរអន្តរជាតិ)។ 
•    ក្នុងសាលរង់ចាំចេញដំណើរអន្តរជាតិ ខាងក្រោយ Dufry 
•    ក្នុងសាលចេញដំណើរក្នុងស្រុក
•    ទីធ្លាចំណតរថយន្ត ទល់មុខហាង Nham Pochentong។ ក្នុងបន្ទប់ទឹកស្ត្រីមានតុសម្រាប់ផ្លាស់ប្តូរសំលៀកបំពាក់របស់ទារកផងដែរ។ 

ចូលទៅរកភាពស្ងប់ស្ងាត់…

សេវាស្ប៉ានិងម៉ាស្ស៉ា Wellness Spa នៅក្នុងបន្ទប់ Plaza Premium Lounge ត្រូវបានបង្កើតឡើងដើម្បីផ្តល់ភាពស្ងប់ស្ងាត់សម្រាប់ឱ្យអ្នកដំណើរសម្រាកកាយ និងបន្ធូរអារម្មណ៍។ សេវារបស់យើងត្រូវបានរៀបចំដើម្បីឆ្លើយតបទៅនឹងភាពហត់នឿយក្នុងការធ្វើដំណើររបស់ភ្ញៀវ និងដើម្បីត្រៀមលោកអ្នកសម្រាប់បន្តដំណើរទៅមុខទៀត។ ដោយសហការជាមួយបណ្តាញពិភពលោកនៃស្ប៉ាប្រចាំអាកាសយានដ្ឋាន យើងខ្ញុំមានការប្តេជ្ញាចិត្តក្នុងការប្រែក្លាយបទពិសោធន៍អាកាសយានដ្ឋានដោយធ្វើឱ្យអ្នកដំណើរមានអារម្មណ៍ថា អាកាសយានដ្ឋានជាទីកន្លែងមួយដ៏សុខសាន្ត។ ដើម្បីជួយស្តារសម្បទារាងកាយដែលមានការនឿយហត់ពីការធ្វើដំណើរ អ្នកព្យាបាលចំណានៗរបស់យើងដែលទទួលបានការហ្វឹកហ្វឺនជាលក្ខណៈអាជីពត្រឹមត្រូវ បានត្រៀមវិធីព្យាបាលដែលសំដៅជួយធ្វើឱ្យអ្នកធ្វើដំណើរទទួលបានភាពធូរស្រាលក្នុងអារម្មណ៍ និងសះស្បើយមុនការហោះហើរ ដោយប្រើប្រាស់ផលិតផលមានក្លិនស្រស់ស្រាយប្រចាំក្រុមហ៊ុន SÂMATA។

​ក្រោម​ការគ្រប់គ្រង​របស់​ក្រុមហ៊ុន Plaza Premium Lounge សេវា​នេះ​គឺ​ដើម្បី​ផ្តល់​បទពិសោធន៍​ពិសេស​របស់​អាកាសយាន​ដ្ឋាន​ជូន​អ្នកដំណើរ​ទាំងអស់។ ក្រុម​ទទួលស្វាគមន៍​ដ៏​ពោរពេញ​ដោយ​មេត្រីភាព​រង់ចាំ​បម្រើសេវា​ជានិច្ច​ដើម្បី​ធានា​យ៉ាងណា​ឱ្យ​ការ​ធ្វើដំណើរ​របស់​លោកអ្នក​គ្មាន​ភាព​ហត់នឿយ និង​ប្រព្រឹត្តទៅ​បាន​យ៉ាង​រលូន​នៅ​អាកាសយាន​ដ្ឋាន មិនថា​ពេល​ចេញដំណើរ ពេល​មកដល់ ឬពេល​ឆ្លងកាត់​នោះ​ទេ។ សូម​ទុក​ឱ្យ​យើងខ្ញុំ​ជួយ​លោកអ្នក​ពេលសម្រាក​នៅក្នុង​បន្ទប់​រង់ចាំ ការ​រត់ការ​យក​អីវ៉ាន់​ចេញ និង​កម្មវិធី​ទស្សនា​ផ្សេង​ៗទៀត។ សម្រាប់​អ្នកដំណើរ​មកដល់ មន្ត្រី​សេវាកម្ម​គយ​នឹង​ចាំ​ទទួលភ្ញៀវ​នៅ​មាត់ទ្វារ ដោយមាន​លើកស្លា​កសញ្ញា​សរសេរ​ឈ្មោះ​ពីលើ​ផង។ ពេល​បាន​ជួប​ហើយ មន្ត្រី​នោះ​នឹង​អមដំណើរ​ភ្ញៀវ​ទៅ​ឆ្លងកាត់​ការ​ត្រួតពិនិត្យ​អន្តោប្រវេសន៍ យក​អីវ៉ាន់​ចេញ និង​ធ្វើការ​ត្រួតពិនិត្យ​គយ មុននឹង​ជូនដំណើរ​ភ្ញៀវ​ទៅ​ជួប​ភាគី​ចាំ​ទទួល ឬទៅ​កាន់​រថយន្ត​លី​ម៉ូហ្ស៊ីន ឬតាក់ស៊ី​ដែល​កំពុង​រង់ចាំ។ សម្រាប់​ភ្ញៀវ​ចេញដំណើរ មន្ត្រី​សេវាកម្ម​គយ​របស់​យើង​នឹង​ទៅ​ជួប​ភ្ញៀវ​នៅក្នុង​ស្ថានីយ​ចេញដំណើរ ដោយ​កាន់​ស្លាក​មានឈ្មោះ​សរសេរ​ពីលើ​ផង។ ពេល​បាន​ជួបគ្នា​ហើយ ភ្នាក់ងារ​របស់​យើង​នឹង​ជូន​ភ្ញៀវ​ទៅចុះ​ឈ្មោះ​នៅ​បញ្ជរ​ក្រុមហ៊ុន​អាកាសចរណ៍ បន្ទាប់មក ទៅ​ធ្វើការ​ត្រួតពិនិត្យ​អន្តោប្រវេសន៍ រួចហើយ យើង​នឹង​ជូនដំណើរ​ភ្ញៀវ​ទៅកាន់​ច្រក​ទ្វារ​ឡើង​ជិះ​រយ​ន្ត​ហោះ ឬទៅ​បន្ទប់ Plaza Premium Lounge ដើម្បី​រង់ចាំ​ដល់ម៉ោង​ឡើង​យន្តហោះ។